Sámi doaktáriid searvi ságastallá dearvvašvuođaministtarin Bent Høie

Sámi doaktáriid searvvi váibmoáššin dan 35 jagi doaimmas lea leamaš bajáshuksen sámi spesialistadearvvašvuođabálvalusa. Mii leat juo guhká leamaš fuolastuvvan ovdánemiin boahtte áigge dearvvašvuođabálvalusa sámi álbmogii Norggas ja erenomážit Finnmárkubuohcciviesu váilevaš beroštumi guldalit sámi fágaolbmuid ja politihkkáriid. Sámi doaktáriid searvi bivddiige dán olis čoahkkima dearvvašvuođaministtarin. Máret Lájlá Nedrejord gii lea jođiheaddji ja stivrralahttu Siv Kvernmo deaivvaiga Høie 25.02.