Duorastaga 28. b. guovvamánus 2018 dolle studeanta áirasat hávskes čoahkkima 6 Sámi doaktáriid searvvi studeantamiellahtuide. Dáppe digaštalaimet makkár áššiin studeanttat oaivvildit ahte searvi galggašii bargat čuovvovaš jagis, ja maiddái dan ahte buorebut oahpásmuvvat guhtet guimmiiguin. Siv Kvernmo muitalii searvvi birra ja lonohallanvejolašvuođaid medisinstudeanttaide.