Sámi doaktáriid searvvi birra
Sámi doaktáriid searvvi ulbmilin lea leamaš ahte buoridit dearvvašvuođabálvalusa sámi álbmogii, vuođđudančoahkkima rájes, mii lei Kárášjogas 6. b. golggotmánus 1984:s.
Sámi Doaktáriid Searvi /Samisk Legeforening
Sámi doaktáriid searvi lea eaktodáhtolaš, ideála searvi mii ulbmilparagráfa mielde galgá bargat ahte buoredit dearvvašvuođafálaldaga sámi álbmogii ja ovddidit dearvvašvuođadieđuid sámegillii. Searvi vuođđuduvvui 1984:s ja miellahtut leat sámi doaktárat ja doaktárat geat barget sámi pasieanttaiguin miehtá riikka ja maiddái ránnjáriikkain.
- Buoridit dearvvašvuođafálaldaga sámi álbmogii, dearvvašvuođabálvalus galgá leat láhččojuvvon sámi pasientii giela- ja kultuvrralaččat.
- Juohkit oahppu ja dieđuid sámi pasieantta erenoamáš dili birra, kultuvrralaččat ja gielalaččat.
- Árjjaluššat ahte eambbo sámit váldet doavtteroahppu, sihke vuođđooahppu ja spesialistaoahppu.
- Ovdanbuktit sámi perspektiivva ja sámi kultuvrra doavttiroahpus.
- Ovttasbargat eará dearvvašvuođa- ja sosiálabargiin sámi guovlluin.
- Ovdanbuktit dearvvašvuođadieđuid sámegillii sámiide.
- Movttiidahttit dutkama sámi dearvvašvuođas.
Gávnnat njuolggadusaid PDF fiilan: dáppe.
Sámi doaktárii searvvi ođđa stivra mii válljejuvvon skábmamánus 2023 jahkečoahkkimis:
- Jođiheaddji: Jonill Margrethe Fjellheim Knapp
- Stivralahttu: Leena Maret Niityvuopio (ođđa válljejuvvon)
- Stivralahttu: Silja Ingeborg Mikkelsen (ođđa válljejuvvon)
- Stivralahttu: Klemet Johannes Somby (ođđa válljejuvvon)
- Studeanta várrelahttu: Tobias Poggats (ođđa válljejuvvon)
- Stivrra várrelahttu: Inga Maija Sara (ođđa válljejuvvon)
- Stivrra várrelahttu: Frøydis Nystad Nilsen
- Studeantaovddasteaddji: Elle Katri Lindi
